Analisi Accordi
Info rapide sulla canzone
Difficoltà: Medio
7 Accordi Unici
Accordi principali:
LAm
, DO
, FA
Tutti gli Accordi
→MIm
Caino e Abele
0
Accordi Caino e Abele
Intro: Abele l'era bònn, Caino mea taant, a l'era in sö la Bibbia, ma l'era mea un Saant i eren düü fredèj, ma i eren l'uppòst, diversi del tütt, cumè i pastigli e i süppòst Abele l'era bell, cumè un atuur francees, Caino l'era brött, che s'cepàva i cineprees, Abele l'era voolt e anca ben piazzàa Caino l'era göbb e sempru incazzàa Sèmm al muund in düü e vöen me sta söi bàll, dumà a vardàll in fàcia me vee vöeja de cupàll l'è grand e gròss, ma appèna l'è de spàll ghe foo vedé me cume l'è bèla la mia vàll! Abele cantava le lodi al Signuur cun la vuus meludiusa che el parèva un tenuur, Caino, stunàa el ghe pruvàva per uur, el pàreva un purcèll scüsciàa de un tratùur Perfino il buon Dio un dè l'ha ciamàa, l'ha stupàa i urècc e pö dopu el g'ha parlaa Caro Caino, se te voret pregà, sun pròpi cuntèent ma desmètela de cantà, altrimenti i me angeli me perden i piöemm e tücc i pèss i me nèghen in del fiöemm altrimenti i me angeli me perden i piöemm e tücc i pèss i me nèghen in del fiöemm Sèmm al muund in düü e vöen me sta söi bàll, dumà a vardàll in fàcia me vee vöeja de cupàll l'è grand e gròss, ma appèna l'è de spàll ghe foo vedé me cume l'è bèla la mia vàll! Abele l'era in furma e vegetariàn, mangiàva un zìcch de üga e un tuchetènn de pàn e dopu una giurnàda passàda a lavurà el gh'era ammò la forza de cantà e de balà Caino el cùpava tütt quèll che se muvèva, el majàva cumè un lùff e vacca se'l bevèva e dopu una girnàda passàda ciùcch desfàa, se tràva in söel praa e pö el tacàva a runfà Per passà un zicch el teemp, i giügàven al balòn, Abele l'era bràvu e quell'oltru un scarpòn, Abele palleggiava che 'l pareva el Ronaldo, Caino el parèva el fredèll del Braccobaldo El praa dell'Abele l'era graand cumè el Meazza, nel praa del Caino ghe stava gnaa una tàzza nel praa dell'Abele gh'eren tücc i piaant in rìga, nel praa del Caino gh'era là dumà un'urtiga, Nel praa dell'Abele pasculàva el bestiàmm, nel praa del Caino pascullàven i pantegànn Nel praa dell'Abele pasculàva el bestiàmm, nel praa del Caino pascullàven i pantegànn Sèmm al muund in düü e vöen me sta söi bàll, dumà a vardàll in fàcia me vee vöeja de cupàll l'è grand e gròss, ma appèna l'è de spàll ghe foo vedé me cume l'è bèla la mia vàll! Una sira el Caino el veed che rüva l'Abele Incazzàa cume el soo mea cussè che ghe s'è ruta la tele Caino che el g'ha mea la televisiòn el diis che al limite ghe ròla sö un canòn Abele a bùca vèrta e scandalizzàa el ghe diis Che vergogna, te seet anca un drugàa! Vergogna de chii, che sèmm che dumà in düü Quell'oltru ridendo el g'ha respundüü La Bibbia la diis, che g'ho de fàtt la pèll, però me g'ho un sistèma che l'è ammò püsse bèll, tiri sö i me stràsc e voo via me te làssi che a giügà a tennis de par te, te làssi che a giügà a tennis de par te !## Credits
Autore: BERNASCONI DAVIDE ENRICO Copyright: © MANY EDIZIONI MUSICALI S.R.L., TARANTANIUS SRL
Altre canzoni di Davide Van De Sfroos
- ...E Semm Partii
- 40 Pass
- Akuaduulza
- El Diavùl
- Grand Hotel
- Hoka Hey
- Il Camionista Ghost Rider
- Il Costruttore di Motoscafi
- Il Diluvio Universale
- Il Figlio di Guglielmo Tell
- L’Alain Delon de Lenn
- L’Omm de la Tempesta
- La Balàda del Genesio
- La Balera
- La Ballata del Cimino
- La Curiera
- La Figlia del Tenente
- La Machina del Ziu Toni
- La Poma
- Lo Sciamano
- Loena de Picch
- Poor’ Italia
- Pulènta e Galèna Frègia
- Sciuur Capitan
- Ventanas
- Yanez